Sikop ang usa ka indibidwal sa Oplan Bakal Sita sa Barangay 20, Gingoog City, Misamis Oriental, ala 1:30 sa kaadlawon Septiyembre 30, 2026. Narekober sa operasyon ang usa ka P6-9mm Limited nga armas ug usa ka sachet sa gituohang shabu.
Nakakustodiya na karon sa prisohan sa Gingoog CPS ang dinakpan. Samtang gidala usab ang mga nakumpiskang armas ug gituohang ilegal nga droga sa Misamis Oriental Provincial Forensic Unit 10 alang sa qualitative ug quantitative examination.
Atubangon sa dinakpan ang kaso ubos sa Republic Act 10591 o Comprehensive Firearms and Ammunition Regulation Act ug Republic Act 9165 o Comprehensive Dangerous Drugs Act of 2002.
Photo courtesy: Gingoog CPS FB Page
