Magapatigayon ang Gobyerno-lokal sang Tacurong sang “Pickleball for a Cause” bilang kabahin sang 18-Day Campaign to End Violence Against Women 2026. Pagahiwaton ang aktibidad sa Nobyembre 13, 20, 21 kag Disyembre 2, 2026, alas 6:00 sang gab-i sa Tacurong City Cultural and Sports Center.
Bukas ini sa tanan nga lebel sang manug-hampang, nga may registration fee nga 50 tubtob 100 pesos, depende sa kategorya.
Ang tanan nga matipon nga pondo igahin sa pagbayad sang school fees sang mga student-survivors nga ginabuligan sang Crisis Intervention Center for Women and Children.
Ginaagda ang publiko nga mag-ambit kag maghampang para sa edukasyon kag kampanya batok sa pagpang-abuso sa kababayen-an kag kabataan.
Photo courtesy: City Government of Tacurong
