Gitumbok sa Technical Education and Skills Development Authority (TESDA) Region IX nga ang usa sa ilang giatubang nga hagit mao ang kakulang sa mga accredited assessment centers ug kwalipikadong assessors.
Matud ni TESDA Region IX Regional Director Engr. Alan T. Bacatan, dako ang epekto niini alang sa mga senior high school students nga makakuha og National Certificate hinungdan taas pa ang ilang kab-oton nga assessment rate.
Segun ni RD Bacatan dako ilang panlantaw nga madugangan ang assessment centers ug assessors aron mapalapdan ang access sa certification services, ilabina sa mga estudyante sa Zamboanga del Sur ug sa ubang probinsya.
Samtang, gi-awhag usab ni RD Bacatan ang mga Provincial Offices sa matag probinsya nga palapdan ang pakigkoordinar sa mga LGUs aron mapunuan ang mga kakulangon sa matag lalawigan sakop sa rehiyon.
Giingon ni RD Bacatan nga importante ang dugang nga suporta ug kooperasyon sa mga lokal nga pangagamhanan aron masulbad ang kakulang sa assessment centers ug assessors.
Pinaagi niini, gilauman nga mas daghang senior high school students ug mga technical-vocational graduates ang makakuha sa ilang National Certificate ug mapalapdan ang oportunidad sa trabaho sa rehiyon.
