Gikonsulta sa Department of Trade and Industry o DTI Davao de Oro ang mga residente sa Barangay Mt. Diwata ug Barangay Upper Ulip sa Monkayo aron mahibal-an ang ilang panginahanglan ug posibleng oportunidad sa panginabuhian.
Gipahigayon ang Stakeholders Consultation niadtong Nobyembre 12, 2026, sa pakigtambayayong sa Monkayo Skills Training and Assessment Center o MonSTAC ug Municipal Environment and Natural Resources Office o MENRO.
Lakip sa tumong sa kalihokan ang pag-ila sa mga kwalipikadong benepisyaryo ug tukmang livelihood programs nga mahimong ipatuman aron makatabang sa pagpalambo sa panginabuhi sa mga komunidad.
Gipasalamatan usab ang suporta nila ni Mt. Diwata Barangay Captain Elie P. Zamora ug Upper Ulip Barangay Captain Crisanto C. Palomar, lakip ang lokal nga panggamhanan ubos sa liderato ni Mayor Manuel “JayR” N. Zamora Jr. sa pagpaluyo sa maong mga inisyatibo.
