Dakpan sa mga otoridad ang usa ka barangay kagawad atol sa gikasa nga buy-bust operation sa Purok Talisay, Brgy. San Antonio, Cateel, Davao Oriental pasado alas 2:30 sa hapon niadtong Nobyembre 9, 2026.
Ang suspek giila nga si alyas “DonDon”, 46 anyos, minyo, ug lumolopyo sa Barangay Ban-ao, Baganga sa maong probinsya. Sa operasyon nakuha gikan kaniya ang upat ka pakete sa gituohang shabu nga gibana banaang mutimbang sa 0.3 gramos nga adunay standard drug price nga P2, 040.00. Nasakmit usab ang usa ka PHP 500 nga buy-bust money nga adunay serial number JH189927.
Ang maong operasyon gihimo sa mga personahe sa Cateel Municipal Police Station, kauban ang Provincial Drug Enforcement Unit DOPPO, Provincial Intelligence Unit, 110RD Regional Mobile Force Battalion ug uban pang mga operatiba.
Human sa pagdakop sa dinakpan gipahibalo siya sa iyang mga katungod pinaagi na sa pinulongan nga iyang nasabtan. Sa kasamtangan gibalhog na ang suspek sa Cateel Municipal Police Station alang sa igong disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo courtesy : Cateel MPS
