Naigo sa iyang wala nga siko ang usa ka security guard human gipusil sa iyang kauban sa trabaho pasado alas 6:00 sa gabie, niaging Nobyembre 9, 2026, sulod sa JP Poultry Farm sa Purok 1, Barangay Capitan Juan, Lantapan, Bukidnon.
Gikumpirma sa Lantapan Municipal Police Station ang maong taho sukwahi sa giingong wala maigo, ang 36-anyos nga biktima nga si alyas Arnel, residente sa Barangay Candelaria, San Fernando, kinsa anaa na sa stable ug luwas nga kahimtang.
Base sa imbestigasyon sa kapolisan, nagsugod ang maong insidente dihang naglalis ang biktima tali sa 35-anyos nga suspek nga si alyas Pano, residente sa Poblacion, Kibawe nga nisangpot sa ilang pagsinumbagay. Pagkahuman namauli sila sa ilang gipuy-an diin nikuha ang suspek sa iyang kalibre .45 nga armas, samtang ang biktima nikuha usab sa iyang giisyu nga .38 caliber nga pistola. Gipusil sa suspek ang biktima ug daling nisibat gikan sa lugar.
Sa pagkakaron, padayon ang gihimong follow-up investigation sa Lantapan Police aron matultolan ang nahimutangan sa nagtago-tago nga suspetsado. Samtang giandam ang tukmang kaso nga ipasaka batok kaniya.
Photo courtesy: Lantapan Municipal Police Station
