Patay ang 11 ka indibidwal ug dili moubos sa 50 ang naangol human sa usa ka makalilisang nga karambola sa 86 ka mga sakyanan sa Trakia motorway sa Bulgaria niadtong Martes, Nobyembre 10, 2026.
Tungod sa trahedya, nagdeklarar ang gobyerno sa Bulgaria og “national day of mourning” niaging Nobyembre 11 ug giisa sa katunga ang mga bandera sa mga institusyon sa estado.
Matod sa Interior Ministry, ang aksidente tungod sa kalit nga pagbunok sa baga kaayong gabon nga gipakunhod ang panan-aw sa mga drayber ngadto sa 10 metros lamang, hinungdan nga nagsunod-sunod ang pagbangga sa mga truck, bus, ug pribadong sakyanan. Ang tanang namatay anaa sa lane padulong sa Burgas, diin didto nagsugod ang pinakadakong pile-up human miharang ang usa ka truck sa unahan sa usa ka bus.
Gumikan sa maong ngilngig nga insidente, gipamub-an ni European Commission President Ursula von der Leyen ang iyang opisyal nga pagbisita aron personal nga magpaabot sa iyang pahasubo, samtang padayon pa ang imbestigasyon sa mga awtoridad sa nasod nga nailhan kaniadto tungod sa taas nga ihap sa aksidente sa dalan.
Photo courtesy: QRnews
