Gihingusgan karon sa lokal nga opisyal sa barangay Aglayan Malaybalay City ang pagregulate sa mga namuhi ug kahayopan diha sa residential areas ilabina ang mga nagbuhi og baboy, aron masolusyonan ang nagkadaiyang reklamo kalabot sa baho ug kahugaw sa palibot.
Kini human sa niaging pag-inspeksyon sa health sa health sanitation labot sa tanang puy-anan sa mga hayop sa barangay diin gipasabot sa exclusive nga pakighinabe ning sibyahan kang Kapitan Glorio Sajulga nga gihatagan og gibug-aton nini nga ang matag tag-iya kinahanglan adunay saktong drainage ug hapsay nga pasilidad aron dili kini makahatag og sakit ug kahasol sa komunidad
Alayon niini giawhag kadtong dunay mga binuhing hayop nga mandatoryong magparehistro sa barangay para sa database management alang sa certification
Gilauman nga pinaagi niining hiniusang paningkamot ug kooperasyon sa mga residente, mapanalipdan ang panglawas sa publiko, mapadayon ang environmental sanitation, ug mamintinar ang usa ka limpyo, hapsay, ug luwas nga komunidad alang sa tanan.
Photo courtesy: Barangay Aglayan/FB
