Gipalig-On na sa Provincial Government of Misamis Oriental ang pagpangandam aron matubag ang posibleng epekto sa Super El Niño sa tibuok lalawigan.
Matud ni Provincial Disaster Risk Reduction and Management Division (PDRRMD) Head Sot-sot Dy, gawas sa pagporma og Technical Working Group nga motutok sa pag-atubang sa hulaw, gikinahanglan usab ang pag-ampo sa katawhan aron dili na unta mosamot ang epekto niini.
Giawhag usab ni Dy ang publiko nga magkonserbar sa tubig samtang aduna pay igong suplay aron adunay magamit sa panahon sa grabeng kainit ug ting-uga.
Gipasiugda nga importante ang sayong pagpangandam ug kooperasyon sa tanan aron maminusan ang posibleng epekto sa El Niño sa mga komunidad sa Misamis Oriental.
Photo courtesy: Misamis Oriental Provincial Information Office
