Nadakpan sa kapolisan ang usa ka 42-anyos nga babaye nga wanted tungod sa paglapas sa Batas Pambansa Blg. 22 o Bouncing Checks Law atol sa operasyon sa Talisay City Hall, Barangay Lawaan II, dakbayan sa Talisay.
Gidakop ang babaye pinaagi sa warrant of arrest nga gi-isyu sa Municipal Trial Court in Cities, Branch 1 sa Talisay City, may kalabotan sa Criminal Case No. 18964. Anaa sa mando sa korte ang pagserbisyo sa sentensiya batok sa akusado.
Gihingusgan ni Cebu Police Provincial Office (CPPO) Director PCOL Abubakar Udang Mangelen Jr. ang kamahinungdanon sa padayon nga intelligence-driven operations aron masubay ug madakpan ang mga indibidwal nga adunay outstanding warrants.
Matud pa ni Mangelen, magpadayon ang kapolisan sa pagpatuman sa mga mando sa korte ug pagsiguro nga manubag sa balaod ang mga nakasala.
Photo Courtesy: PNP Cebu Police Provincial Office
