Giawhag ni Gingoog City Mayor Eric Cañosa ang tanan nga magtanom og bisan unsang pananom labi na pagmugna og garden sa panimalay isip pagpangandam sa epekto sa El Niño.
Sumala pa sa Mayor nga dakong tabang kini aron nga adunay madugang sa suplay sa pagkaon nga gikan sa tagsa-tagsa ka lataran. Gipasalig sab sa opisyal nga kanunayng adlaw ang lokal nga panggamhanan sa pagtubag sa panginahanglan sa mga katawhan.
Gane, daan na niyang gimando sa City Agricuture office ug uban pang departamento ang pagsuroy sa matag komunidad ug barangay aron nga mag-imbentaryo ug masuta ang ilahang kahimtang ug panginahanglan subay na sab sa hulga sa El Niño.
Gihangyo sab sa Mayor ang tanan nga magtinabangay labi na sa ginaatubang ka hulga sa kalamidad sa syudad.
Photo courtesy: Gingoog City Information Office
