Padayon ang inventory process sa City Housing and Urban Development Department o CHUDD sukad Enero ning tuiga aron matino ang mga aplikante nga kwalipikado makadawat og socialized housing sa Cagayan de Oro City.
Kini ang gipahibalo ni John Asuncion, OIC Head sa CHUDD, kinsa miingon nga naghulat pa usab sila sa mga dokumento ug rekomendasyon gikan sa City Legal Office.
Matod ni Asuncion, adunay mga housing allocation nga posibleng kanselahon tungod sa mga benepisyaryo nga mibiya sa ilang gihatag nga puy-anan o nakalapas sa mga lagda.
Gihisgutan usab ang eviction sa mga illegal nga nagpuyo aron matino ang gidaghanon sa mga bakanteng housing units.
Samtang, kapin 30 ka personnel sa Philippine National Police ang nakadawat og lote sa Calaanan ug Canitoan, lakip ang mga balay sa SMC GK Village sa Balubal atol sa flag-raising ceremony niadtong Lunes, nga gipangulohan ni Mayor Klarex Uy.
Photo courtesy: City Housing and Urban Development Department
