Opisyal nang giablihan ug gipanalanginan ang People’s Lounge nga nahimutang sulod sa City Hall Compound niadtong Nobyembre 10, 2026, isip kabahin sa mga lakang sa dakbayan aron mas mapahapsay ang pagserbisyo sa publiko.
Gidisenyo ang maong pasilidad aron mahimong sentro sa impormasyon diin makapangayo og giya ang mga Matinian nga adunay transaksyon sa nagkalain-laing departamento sa City Hall. Lakip sa mga opisina nga sakop niini ang Office of the Building Official, City Assessor’s Office, Business Permit and Licensing Office (BPLO), City Planning and Development Office, ug City Administrator’s Office.
Mitambong sa pagpahigayon sa maong kalihokan si Mayor Joel Mayo Almario kauban ang mga miyembro sa Sangguniang Panlungsod ug mga department heads.
Pinaagi sa People’s Lounge, gilaoman nga mas dali nang matultolan sa mga residente ang hustong opisina ug mas sayon ang ilang pagproseso sa mga kinahanglanong serbisyo sa dakbayan.
Photo courtesy: LGU Mati
