Patay ang usa ka 49 anyos nga lalaking pasahero samtang angol ang 34 anyos nga lalaki human aksidenteng nabangga ilang gisakyang multicab sa Purok Azucena, Barangay Tongao, Pitogo Zamboanga del Sur, mga 1:30 sa hapon, Nobyembre 10, 2026.
Sa inisyal nga imbestigasyon sa kapulisan, gimaneho ang usa ka green Suzuki Scrum Multi-Cab sa usa ka 34 anyos nga lalaking Wifi installer nga taga Pitogo, Zamboanga del Sur sakay ang usa ka 49 anyos nga lalaki.
Gikan matud pa sila sa Barangay Poblacion paingon sa Barangay Upper Panikian sa dihang aksidente silang nakasinati ug mechanical failure hinungdan nawad-an ug kontrol ang driver ug nibangga ang sakyanan sa anaa sa kilid nga road barrier.
Tungod sa kusog nga impact, ang 49 anyos nga lalaki nakaangkon ug grabeng mga samad ug gidala sa mga concerned citizen sa Pitogo Rural Health Unit alang sa medikal nga pag-atiman apan gideklara siyang dead on arrival sa Municipal Health Officer.
Samtang ang driver nakaangkon lang ug minor injuries ug gidapatan lang ug first aid nga karon anaa na sab Pitogo Municipal Police Station alang sa dugang pang mga imbestigasyon.
Photo courtesy: PIO ZSPPO
