Guba ang atubangan sa parehong sakyanan nga kolor itom ug kolor yellow nga Multicab human aksidenteng nagsungag tunga sa National Highway, Purok 1, Barangay Bugas-Bugas, Placer, Surigao del Norte. Nahitabo ang disgrasya alas-7:15 sa buntag Martes, Nobyembre 10, 2026.
Dali usab nga miresponde ang Placer Municipal Police Station ug Placer Rescue Team human madawat ang report kabahin sa nahitabong aksidente. Base sa imbestigasyon sa kapulisan, ang itom nga sakyanan nagbiyahe gikan sa Malimono padulong sa lungsod sa Placer samtang ang Color yellow nga multicab gikan sa Placer proper ug adunay sakay nga lima (5) ka pasahero, lakip na ang mga estudyante.
Subay sa taho, samtang nagdagan sa highway ang itom nga sakyanan, kalit nga misulod sa pikas nga lane sa dalan ang multicab nga maoy miresulta sa kusog nga pagkabangga.
Tulo ka indibidwal ang naangol diin duha (2) ka pasahero sa multicab ug ang drayber niini ang nakaangkon og samad. Dali silang gipangdala sa Provincial Hospital aron mahatagan og tukmang medikal nga pag-atiman.
Ang drayber sa itom nga sakyanan gidala sa Placer MPS alang sa disposasyon. Samtang padayon pa ang kapulisan sa imbestigasyon kalabot sa disgrasya.
