Gipahimangnoan sa Department of Trade and Industry o DTI-Surigao del Norte, ang publiko nga siguruhon ang presensya sa PS Mark ug Import Commodity Clearance o ICC Sticker sa mga appliances nga paliton alang sa panimalay.
Tumong niini nga mapanalipdan ang mga konsumidor batok sa mga produkto nga dili sigurado ang kalidad ug posibleng makahatag og peligro sa kaluwasan sa ilang pamilya.
Gipasabot nga ang PS Mark ug ICC Sticker nagsilbing timailhan nga ang mga produkto miagi sa gikinahanglang pagsusi ug nakatuman sa gitakdang mga sumbanan sa kaluwasan ug kalidad.
Giawhag usab ang mga konsumidor nga susihon ang listahan sa mga produkto nga sakop sa mandatory certification aron masiguro nga ang ilang paliton nga appliances adunay hustong sertipikasyon.
Gipasiugda sa DTI nga dili lamang presyo ug hitsura ang angay ikonsiderar sa pagpalit og appliances, kondili labaw sa tanan ang kalidad ug kaluwasan niini.
