Nagpatigayon sang Environmental Awareness Campaign ang Provincial Environment and Natural Resources Office ukon PENRO Sultan Kudarat sa Villa Clara National High School sa Isulan sang Nobyembre 10, 2026, agud mapataas ang kaalam sang mga estudyante sa climate change kag pagpanghanda batok sa tuman nga init, hulaw kag kakulang sang tubig.
May yara sang 120 ka partisipante ang nasambit nga aktibidad nga naglakip sang mga hampang kag grupo nga diskusyon tuhoy sa praktikal nga pamaagi sang climate adaptation kag pag-amlig sang kinaiyahan.
Nag-turnover man ang PENRO sang information materials kag nagdonar sang 150 ka seedlings sang nagkalain-lain nga klase sang kahoy agud itanom kag atipanon sang mga estudyante.
Pinaagi sa sini nga inisyatibo, ginpadasig sang PENRO ang kabataan nga mangin aktibo nga manug-amlig sang palibot kag mangin kabahin sang pag-atubang sa mga epekto sang climate change.
