Arestado ang duha ka lalaki sang Isulan Municipal Police Station matapos ang insidente sa checkpoint sa Purok Riverside, Barangay Kalawag Tres, Isulan, Sultan Kudarat, sang gab-i sang Nobyembre 10, 2026.
Suno sa kapulisan, ang duha ka suspek ang ginapatihan nga nagbalibad nga magpa-inspeksyon kag wala nagsunod sa mga instruksiyon sang kapulisan.
Sa ginpatigayon nga pagpang-usisa, narekober sa ila ang tatlo ka sachet sang ginapatihan nga shabu nga may kabug-aton nga 5.587 ka gramos kag balor nga P37,991.60.
Ang duha ka persona yara na sa kustodiya sang Isulan Police Station kag magapangatubang sang nagakaigo nga kaso may kaangtanan sa ilegal nga droga kag pagbalibad sa pagsunod sa awtoridad.
Photo courtesy: PNP Police Regional Office 12
