Ginapabaskog sang Department of Environment and Natural Resources ukon DENR Region 12 ang mga tikang sa pagpanghanda batok sa posible nga epekto sang El Niño, partikular na ang mga sunog sa kagulangan kag kakulang sang suplay sang tubig sa rehiyon.
Lakip sa ila mga preparasyon ang pagtukod sang fire lines, pagbutang sang mga information signages, refresher training sa fire management, kag fire drills para masiguro ang kahandaan sang mga personnel. Ginpabakod man sang ahensya ang kaalam sang mga People’s Organizations sa paglikaw kag pagsabat sa sunog sa kagulangan.
Samtang, nagapatigayon man ang DENR-12 sang information campaigns sa responsable nga paggamit sang tubig, regular nga monitoring, kag koordinasyon sa mga lokal nga panguluhan kag partner agencies agud mapabakod ang contingency plans batok sa posible nga epekto sang El Niño.
Photo courtesy: DENR Soccskargen
