Gipang-apod-apod sa mga benepisyaryong mag-uuma sa B.E. Dujali, Davao del Norte ang mga free-range chicken pinaagi sa Kaagapay Program, uban sa Provincial Veterinary Office (PVO).
Tumong sa maong programa nga makahatag og dugang panginabuhian sa mga mag-uuma pinaagi sa pagpalambo sa pag-atiman og manok sa ilang mga panimalay ug pagdugang sa kita sa ilang pamilya.
Gipahigayon ang pag-apod-apod pinaagi sa panagtambayayong sa mga kawani sa Kaagapay Program ug Provincial Veterinary Office aron mas mapaduol ang tabang sa mga benepisyaryo.
Pinaagi niini, gipalig-on sa probinsyal nga panggamhanan ang suporta sa sektor sa agrikultura, pagpalambo sa kasegurohan sa pagkaon ug pagtukod og mas malungtarong panginabuhian alang sa mga pamilyang mag-uuma.
Photo Courtesy: Kaagapay Program
