Nagkahiusa ang mga ahensya sa gobyerno sa Northern Mindanao aron palig-onon ang kaandam sa komunidad batok sa climate change ug kalamidad human pormal nga gilunsad sa Department of Social Welfare and Development 10 ang Regional Steering Committee (RSC) alang sa Panahon ng Pagkilos: Philippine Community Resilience Project (PCRP) pinaagi sa ceremonial signing kagahapong adlawa, Septembre 29, 2026 sa Pearlmont Hotel, Cagayan de Oro City.
Sumala pa ni DSWD-10 Regional Director Glofelia J. Uayan, dili lang trabaho sa DSWD ang pagtukod og lig-on nga komunidad, gikinahanglan ang pagtinabangay sa tanang ahensya sa gobyerno.
Ang Panahon ng Pagkilos, nga bag-ong pamaagi sa KALAHI-CIDSS program nga gisuportahan sa World Bank, nagtumong nga tabangan ang 15 ka target municipalities sa Region 10 nga makapangandam, makaresponde, ug makabangon sa mga kalamidad pinaagi sa lig-on nga imprastraktura ug nature-based solutions.
Karong tuiga, langkob nga probinsya sa rehiyon ang Lanao del Norte, Misamis Occidental ug Bukidnon.
