Mokabat sa lima ka balay ang naapektuhan sa kusog nga hangin ug localized thunderstorm sa Cabanglasan, Bukidnon, Septyembre 28, 2026 sa hapon.
Sumala kang LDRRMO Head Engr. Marivie Vistal Sibayan sa MDRRMO Cabanglasan pinaagi sa Juander Radyo Malaybalay Newsteam, nahitabo ang kusog nga hangin taliwala sa alas 2 hangtod alas 3 sa hapon, nga miresulta sa pagkaguba sa mga atop ug ubang bahin sa maong balay.
Lakip sa naapektuhan ang mga residente sa Barangay Poblacion, ilabina sa sityo Buso ug Lagonglong. Giklaro sa MDRRMO nga ang panghitabo tungod sa kusog nga hangin nga giubanan sa ulan.
Dali usab nga gisusi sa LGU ug MDRRMO ang mga naapektuhang lugar ug planong hatagan og trapal ug uban pang ayuda ang mga pamilya nga naapektuhan sa moang insedente.
Dugang pa ni engr. Sibayan nga ang ubang pamilya temporaryong mipuyo sa ilang mga paryente samtang wala pa ma-repair ang ilang mga nabungkag nga panimalay.
Tungod niini nagpahimangno ang buhatan sa MDRRMO Cabanglasan nga magamping kanunay ug motawag dayon sa ilang buhatan ug ubang ahensya kung ugaling adunay mga dautang panghitabo aron kini daling ma-aksyon sa mga otoridad ug mahatagan ug dugang supporta.
Photo courtesy: MDRRMO Cabanglasan
