Nawad-an og binilyon-bilyong kantidad sa salapi ang usa ka bangko sa Italy human magamit sa mga kawatan ang modernong teknolohiya nga Artificial Intelligence (AI) alang sa usa ka dako ug sopistikadong scam.
Gigamit sa mga suspek ang AI voice cloning aron hingpit nga masundog ang eksaktong tingog sa CEO sa maong bangko. Pinaagi niining peke nga tingog, nakahatag sila og opisyal nga instruksyon sa mga empleyado nga magbalhin og dakong kantidad sa kwarta ngadto sa nagkalain-laing bank account sa gawas sa nasod.
Ang maong insidente nagpakita sa nagkasaka ug nagkadelikado nga risgo sa paggamit sa AI sa mga kriminal nga kalihokan, partikular na ang pagpangilad sa sektor sa pangkwarta.
Tungod kay kaylap ug mas pino na ang teknolohiya nga makahimo sa pagsundog sa tingog ug personalidad sa usa ka tawo, naghatag kini og dakong hagit ug pasidaan sa mga institusyon nga palig-onon pa ang ilang seguridad batok sa mga cybercrime
Photo courtesy: Voice ai
