Usa ka talagsaong dinosaur embryo nga nagkulob gihapon sulod sa iyang itlog sulod sa dul-an sa 70 milyon ka tuig ang nadiskobrehan sa southern China.
Ginganlan og Baby Yingliang, ang maong fossilized embryo talagsaong napreserbar sulod sa iyang itlog ug nagpakita og posisyon nga susama sa pagkurulob sa modernong mga langgam sa dili pa mapusa.
Sumala sa mga siyentista, ang maong posisyon naghatag og importanteng kasayuran bahin sa koneksyon sa lihok ug paglambo sa mga dinosaur ug modernong mga langgam.
Mas talagsaon pa niini, ang fossilized egg natago lamang sa usa ka storage sulod sa mga napulo ka tuig sa wala pa nadiskobrehan sa mga tigdukiduki ang gagmayng bukog sa sulod niini.
Ang pagkadiskobre sa Baby Yingliang giisip nga dakong kontribusyon sa siyensiya tungod kay nakahatag kini og dugang pagsabot sa paglambo sa mga dinosaur samtang anaa pa sila sulod sa ilang mga itlog.
Photo courtesy:Tipsy Bartender
