Sikop ang usa ka laborer ug lab-asiro sa Digos Public Market atol sa buy-bust operation sa Purok Bayanihan, Barangay San Miguel, Digos City, niadtong nakalabay nga adlaw.
Giila ang suspek nga si alyas nga “Bob,” 37 anyos, ulitawo ug residente sa Barangay Aplaya, Digos City. Gipangunahan sa City Drug Enforcement Unit sa Digos City Police Station ang operasyon, kauban ang PDEA ug ubang police units.
Nakompiskar ang 0.54 gramos nga gidudahang shabu nga nagkantidad og ₱3,672, lakip ang ₱1,000 nga buy-bust money, cellphone ug Mentos canister.
Mag-atubang ang suspek og kasong paglapas sa Republic Act 9165 o Comprehensive Dangerous Drugs Act of 2002.
