Dakpan ang usa ka 43-anyos nga lalaki nga naila isip Street-Level Individual o SLI atol sa pagpatuman sa search warrant sa Purok 4, Barangay Daanglungsod, Katipunan, Zamboanga del Norte, niadtong nakalabay nga adlaw. Narekober gikan sa suspek ang gibanabanang 2.5 gramos sa gituohang shabu ug nagkadaiyang drug paraphernalia nga gibanabanang mobalor sa Php 17, 000.00.
Gipahigayon ang operasyon sa mga personnel sa Katipunan Municipal Police Station o KMPS isip kabahin sa kampanya batok sa ilegal nga droga. Ang tanang nakuhang ebidensiya gisumite sa Zamboanga del Norte Provincial Forensic Unit 9 alang sa chemical examination.
Samtang ang dinakpan gidala gilayon sa Katipunan MPS alang sa hustong disposisyon ug dugang nga proseso subay sa Republic Act 9165 o Comprehensive Dangerous Drugs Act of 2002.
Photo courtesy: ZNPPO
