Patay ang usa ka lalaki human giingong mikaon sa mga pagkaon nga gihalad alang sa mga kalag sa sementeryo. Base sa report, nalingaw pa matod pa ang biktima sa pagkaon sa mga halad, apan wala damha nga misakit ang iyang tiyan ug nagsuka human niini. Sa inisyal nga imbestigasyon sa kapulisan, nadiskubreng posibleng adunay sagol nga hilo sa ilaga ang usa sa mga pagkaon nga iyang nakaon.
Gidala pa sa ospital ang biktima apan namatay gihapon sa ulahi. Tungod niini, gipahimangnoan sa kapulisan ang publiko nga dili basta-basta mokaon sa mga pagkaon nga gihalad sa sementeryo tungod kay dili masiguro ang kalimpyo ug kaluwasan niini.
