Gipirmahan ni Presidente Ferdinand Marcos Jr. ang Executive Order Number 130 nga naglatid sa klarong lagda sa pagsuspenso ug pagpadayon sa klase base sa kaluwasan sa matag lugar.
Ubos sa kamanduan, dili na otomatikong suspensohon ang klase sa tibuok lungsod o siyudad kon adunay kalamidad o peligro.
Mamahimo nang himoon ang automatic suspension base sa opisyal nga pahimangno sa PAGASA, localized suspension nga limitado sa apektadong mga lugar, ug granular suspension alang sa eskwelahan nga direktang nameligro.
Gitumong niini nga mapanalipdan ang mga estudyante ug malikayan ang unnecessary suspension.
Photo courtesy: EDCOM
