Nasikop sa kapulisan ang tulo ka lalaki atol sa buy-bust operation sa Purok Proper, Barangay Malubon, Sagay City, human makumpiska kanila ang 52 ka gramo sa gituohang shabu nga nagkantidad og ₱353,600 pasado alas-5:17 sa Huwebes sa hapon, Nobyembre 5, 2026.
Ang mga dinakpan mga residente sa Purok Campo Negro, Barangay Magsaysay, Cadiz City. Gawas sa gidudahang ilegal nga droga, narekober usab sa mga operatiba ang ₱500 nga buy-bust money, usa ka berdeng kahon ug usa ka pakete sa sigarilyong Bosqu.
Gidala ang nakumpiskar nga droga sa Negros Occidental Provincial Forensic Unit alang sa laboratory examination, samtang gitanggong ang mga dinakpan sa Sagay City Component City Police Station alang sa tukmang legal nga proseso.
