Nagpalab-ot sang pagpasalamat ang Police Regional Office 12 ukon PRO 12 sa gobyerno sang Cotabato Province bangud sa padayon nga suporta sini sa pagpauswag sang police infrastructure projects sa rehiyon.
Personal nga nagbisita si PRO-12 Regional Director PBGEN Alan B. Manibog kay Cotabato Governor Emmylou “Lala” J. Taliño-Mendoza sa Provincial Capitol sa Amas, Kidapawan City, sang Nobyembre 3, 2026.
Sa ila pagsinapol, ginhisgutan ang nagkalain-lain nga proyekto, lakip ang Cotabato Police Provincial Office Building, lima ka panalgan nga PCO Condominium, Kidapawan City Police Station, PMFC buildings, kag Regional Logistics and Research Development Division kag IT Center.
Ginpasalig naman ni Governor Taliño-Mendoza nga magapadayon ang suporta sang iya administrasyon sa mga proyekto para sa kapulisan kag mga programa sa pagmintinar sang kalinong kag kahusay.
Suno kay PBGEN Manibog, daku ang mabulig sang mga proyekto sa pagpauswag sang kapasidad sang kapulisan kag paghatag sang mas maayo nga serbisyo sa komunidad.
Photo courtesy: PNP Police Regional Office 12
