Ginkilala ang dedikasyon kag mga pinasahi nga programa sang mga opisyal sang Sangguniang Kabataan ukon SK sa ginpatigayon nga GEMS Awards 2026, sang Nobyembre 6, 2026 sa Dolarosa Resort Function Hall sa Isulan, Sultan Kudarat.
Nagpakita sang ila presensiya sanday Vice Mayor Arnold H. Armada kag Sangguniang Bayan Member Janice Dollete bilang suporta sa mga programa kag inisyatibo sang kabataan.
Samtang, nagsilbi nga guest speaker si DILG Sultan Kudarat Provincial Director Alex Nathan Garcia, nga nagpaambit sang importansya sang matutom, epektibo kag responsable nga pagdumala sa serbisyo publiko.
Pinaagi sa nasambit nga pagpasidungog, ginkilala ang mga SK officials bangud sa ila mga kontribusyon kag mga programa nga ginpatuman sa tagsa nila ka komunidad.
Ginpabutyag man ang pagdayaw sa tanan nga awardees kag sa mga lider-kabataan nga nagapadayon sa pagserbisyo para sa kauswagan sang komunidad kag sang banwa sang Isulan.
Photo courtesy: Municipality of Isulan- Bagong Isulan
