Aktibong misalmot ang mga kliyente ug empleyado sa Lokal nga Panggamhanan sa Tagum sa 4th Quarter Nationwide Simultaneous Earthquake Drill (NSED) kagahapong adlawa, Nobyembre 5, 2026.
Atol sa pagtingog sa sirena, daling gibuhat sa mga misalmot sa maong pagbansay ang Duck, Cover, and Hold procedure ug kalmadong minggawas sa mga opisina paingon sa luwas nga evacuation area gawas sa City Hall.
Ang maong simulated ground shaking activity, gipangunahan sa City Disaster Risk Reduction and Management Office (CDRRMO), kauban ang pakig-alayon sa Bureau of Fire Protection (BFP) Tagum, PNP Tagum, ug sa mga designated Safety Officer sa matag opisina.
Kabahin usab sa drill ang pagpalig-on sa koordinasyon tali sa nagkalain-laing opisina ug sa mga emergency response personnel aron masiguro ang hapsay nga pagpatuman sa evacuation procedures ug dali nga pagtubag sa posibleng emerhensiya.
Ginapahigayon ang NSED matag 3 ka bulan aron mapalig-on ang kaandam sa publiko ug pagsiguro sa mga saktong lakang nga pagabuhaton panahon sa kalamidad.
Photo Courtesy: City Government of Tagum
