Gipahimangnoan sa Lokal nga Panggamhanan sa Tagum ang publiko nga mag-amping sa mga online transaction human makadawat og reklamo kalabot sa usa ka business establishment nga giingong naggamit og peke nga Business Permit.
Isip lakang sa paglikay nga mabiktima sa posibleng pagpangilad, giawhag ang publiko nga mangayo una og kopya sa Business Permit ug uban pang importanteng dokumento sa negosyo aron masuta kung lehitimo ba kini sa dili pa mopadayon sa bisan unsang transaksyon o pagbayad online.
Gidasig usab ang mga konsumidor nga magmatngaon ug magbinantayon aron malikayan ang posibleng pagkawala sa ilang kuwarta tungod sa mga ilegal nga transaksyon.
Dugang pa niini, gipahibalo ang mga katawhan nga iberipika ang opisyal nga mga transaksyon, mahimong direktang mokontak sa Business Permit and Licensing Office (BPLO) o sa City Government of Tagum.
Photo Courtesy: City Government of Tagum
