Natuhog ang sampot sa 18-anyos nga estudyante human madakin-as sa dalan hinungdan nga naigo sa puthaw nga electric ground rod atol sa pag-agi niini sa giayo nga highway sa Barangay Anomar, Dakbayan sa Surigao.
Sumala sa pamilya sa biktima, naglakaw pauli ang biktima gikan sa eskwelahan sa Anomar padulong sa ilang balay sa Sukailang. Sa paglabay niini sa daplin sa dalan, nahitabo ang makalilisang nga insidente human kini nakurat sa dakong ekipo nga nagtrabaho sa maong lugar, hinungdan nga kini nakaatras ug nadakin-as didto na shoot sa lungag.
Tungod niini, nabulasot ang sampot sa biktima sa puthaw hinungdan sa disgrasya. Asoy sa mga naka saksi gi-ibot pa kini sa biktima ayha nangayog tabang hinungdan nga misamot ang pag-agas sa dugo.
Dali kining gidala sa Caraga Regional Hospital diin gipa-ICU, apan wala na maluwas ug nakabsan sa kinabuhi.
