Pormal nga ginpresentar ang duha ka bag-o nga Patient Transport Vehicles sang City Disaster Risk Reduction and Management Office ukon CDRRMO sang Tacurong City.
Ginpangunahan ni CDRRMO Head Engr. Hilda P. Mercado ang presentasyon sang duha ka salakyan sa flag-raising ceremony sa City Hall Grounds sang Nobyembre 3, 2026.
Ginalauman nga makabulig ang dugang nga mga salakyan sa pagpauswag sang emergency response kag paghatag sang mas madasig nga transportasyon sa mga pasyente nga nagakinahanglan sang gilayon nga medikal nga bulig.
Ginpasalamatan naman ni Mayor Lina O. Montilla, upod ang mga katapo sang ika-10 Sangguniang Panlungsod nga ginapangunahan ni Vice Mayor Atty. Ralen Tabusares-Bernardo, ang CDRRMO sa sini nga dugang nga pasilidad. Ini kabahin sang padayon nga tikang sang lokal nga panguluhan para sa kaluwasan sang mga Tacurongnon.
