Human sa 23 ka higayon nga pagkawala sa pagmabdos, natuman na ang dugay nang pangandoy sa magtiayong Georgina O’Shea ug Ken sa County Cork, Ireland, human malampusong matawo ang ilang anak nga babaye.
Wala mohunong sa paglaom ang magtiayon ug misulay sa nagkalainlaing fertility treatments, lakip ang pagpangayo og tabang sa mga espesyalista sa Estados Unidos.
Sa iyang kataposang pagmabdos, hugot nga gibantayan sa mga doktor sa Cork University Maternity Hospital ang kahimtang ni Georgina aron masiguro ang kaluwasan nilang inahan ug bata.
Malampusong nanganak si Georgina ug ginganlan nila og Rylee ang ilang anak nga mitimbang og pito ka libra ug unom ka onsa. Nahimo kining dakong kalipay sa magtiayon human sa daghang tuig nga paghulat ug pagsulay.
Photo courtesy: Zion Clark
