Jyoti Amge gikan sa India ang opisyal nga naghupot sa titulo isip labing mubo nga buhing babaye sa tibuok kalibotan, sumala sa Guinness World Records. Siya adunay gitas-on nga 24.7 ka pulgada o 62.8 ka sentimetro.
Si Jyoti, nga natawo niadtong Disyembre 16, 1993 sa Nagpur, India, unang nailhan sa tibuok kalibotan niadtong 2009 sa dihang gikoronahan siya isip “World’s Shortest Teenager”.
Sa pagsaulog sa iyang ika-18 nga adlaw’ng natawhan niadtong 2011, opisyal na siyang gideklara nga labing mubo nga babaye sa kalibotan.
Gawas sa iyang talagsaong gitas-on nga tungod sa genetic disorder nga achondroplasia (usa ka matang sa dwarfism), si Jyoti usa na karon ka sikat nga aktres ug social media personality.
Nakabaton usab siya og dugang nga mga rekord, lakip na ang pagka-tag-iya sa labing gagmay nga mga kamot sa kalibotan nga may sukod nga kapin lang sa 7 ka sentimetro.
Photo courtesy: Reddit
