Natingala ug nasuko ang aktres ug beauty queen nga si Herlene Budol human giingong gitanyagan siya sa usa ka kauban sa showbiz og butang nga makapugong sa pagkahubog atol sa ilang giingong inuman.
Gibutyag ni Herlene ang maong kasinatian atol sa iyang guest appearance sa YouTube program nga Ogie Diaz Showbiz Update. Matod ni Herlene, giingnan siya sa maong artista nga, “Subukan mo ito, ikaw rin hindi ka malalasing.”
Tungod sa kakurat ug pagduda nga posibleng adunay kalabotan sa ipinagbabawal nga droga ang gitanyag kaniya, nasagpa niya ang maong indibidwal.
Gipadayag usab ni Herlene nga dali niyang nadudahan ang gitanyag tungod kay pamilyar siya sa maong klase sa bisyo nga iyang nasaksihan samtang nagdako sa ilang lugar.
Bisan pa niini, wala maghatag si Herlene og bisan unsang clue kon kinsa ang maong artista ug wala usab niya makumpirma ang eksaktong substansiya nga gitanyag kaniya.
Photo Courtesy: shawtout
