Gipahibalo sa Social Security System o SSS Digos City Branch ang mga kwalipikasyon sa bag-ong UPLIFT Program sa Department of Social Welfare and Development o DSWD.
Matud nila SSS Digos Branch Head Siarina Piatos ug Information Head Andrew Paul Torreon, lakip sa posibleng makabenepisyo ang mga empleyado sa pribadong sektor nga adunay binulanang sweldo nga 10,000 pesos paubos.
Apan gipasiugda nila nga dili awtomatikong makadawat og benepisyo ang tanang empleyado nga nahisakop sa maong lebel sa sweldo. Ang DSWD gihapon ang responsable sa pagsusi ug pagtino sa mga kwalipikadong benepisyaryo subay sa gitakdang sumbanan.
Giawhag usab ang mga miyembro sa SSS nga moduol sa ilang buhatan alang sa dugang impormasyon bahin sa programa.
