Misaka sa 7.8 porsyento ang inflation rate sa Pilipinas niadtong Oktubre, mas taas kumpara sa 7.2 porsiyento nga natala sa miaging bulan sa Septyembre.
Kini nga datos nahimutang sulod sa forecast range sa Bangko Sentral ng Pilipinas (BSP), nga nagbanabana sa inflation rate tali sa 7.1 ngadto sa 8.1 porsiyento alang sa maong bulan.
Ang pagsaka sa inflation nagpasabot sa mas paspas nga pagsaka sa presyo sa mga produkto ug serbisyo nga direktang makaapekto sa adlaw-adlaw nga panginahanglan sa mga Pilipino. Lakip sa mga angay tutokan niini mao ang presyo sa mga batakang palaliton ug serbisyo nga dakong bahin sa gasto sa matag panimalay.
Samtang, padayon nga gimonitor ang dagan sa inflation aron masuta ang epekto niini sa ekonomiya ug sa gahom sa pagpalit sa mga konsumidor.
Photo courtesy: Erisgoesto.com
