Mipasalig ang Anti-Money Laundering Council (AMLC) nga molihok batok sa mga ilegal nga online casino nga nagtago sa ilang kita pinaagi sa paggamit sa mga merchant account sa gagmayng negosyo sama sa beauty salons ug panaderya. Sumala sa AMLC, kadudahan ang mga negosyo nga makadawat og daghang gagmayng bayad bisan tungang gabii nga dili angay sa ilang operasyon.
Matikdan nga gibantayan sa Bangko Sentral ng Pilipinas (BSP) ang liboan ka negosyo sa payment platforms nga giingong gigamit sa ilegal nga sugal. Gipasabot sa AMLC nga importante ang kooperasyon sa mga bangko ug payment operators aron mailhan ug mareport ang mga kadudahang transaksyon.
Samtang, nagtinguha ang AMLC nga palig-onon ang Anti-Money Laundering Act pinaagi sa paglakip sa virtual asset service providers isip mga sakop sa balaod. Kabahin kini sa paningkamot sa gobyerno nga mapugngan ang money laundering ug masiguro nga mapadayon sa Pilipinas ang mga reporma sa dili pa ang sunod nga ebalwasyon sa FATF sa 2027.
Photo courtesy: Legal Online Casinos Philippines
