Nakapasar sa kadaghanan sa network performance tests sa National Telecommunications Commission (NTC) ang tulo (3) ka dagkong telecommunications companies sa nasud atol sa Undas travel rush.
Subay sa datos, 128 ka testing nga gihimo sa 12 ka bus terminals sa Metro Manila niadtong Oktubre 29, mokabat sa 114 niini ang nakarekord og download speed nga dili moubos sa 50 Mbps.
Nasakmit sa DITO ang pinakapaspas nga download speed nga 851 Mbps sa PITX, gisundan sa Smart nga adunay 456 Mbps, samtang 330 Mbps ang pinakataas nga speed sa Globe.
Nasayran nga ang Smart nakarekord og 5.26 porsiyentong dropped-call rate nga milapas sa NTC standard. Gipasalig sa komisyon nga ipadayon ang pagmonitor sa serbisyo sa mga telco aron masiguro ang kasaligan nga koneksiyon sa publiko.
