Nakadawat ang 1,864 ka pamilya sa dakbayan sa Iligan og tag-20 kilos nga bugas atol sa rice distribution program niadtong Oktubre 29, 2026 pinaagi sa Local Government Support Fund–Financial Assistance to Local Government Units o LGSF-FALGU program, nga gipondohan sa Department of the Interior and Local Government o DILG, aron makatabang sa mga pamilyang naapektuhan sa pagsaka sa presyo sa mga nag-unang palaliton.
Mokabat sa 518 ka pamilya ang nahimong benepisyaryo nga gikan sa Barangay Tibanga, 575 sa Saray ug 771 sa Barangay Palao. Giprioridad sa programa ang mga senior citizen, solo parents ug Persons with Disabilities o PWDs, lakip ang mga naapektuhan sa bagyong Basyang ug uban pang kalamidad.
Kahinumdoman, nga kini na ang ikaduhang batch sa rice distribution nga gipahigayon sa DILG kauban ang lokal nga panggamhanan sa Iligan.
Photo courtesy: City Information Office
