Gipahimangnoan sa Market Enterprise and Economic Development Office o MEEDO sa lokal nga kagamhanan sa Ipil ngadto sa tanang stallholders ug transient vendors sa Ipil Public Market nga limpyohan ug hipuson ang ilang tagsa-tagsa ka pwesto human sa pagpamaligya.
Lakip sa gipasiugda sa maong pahinumdom ang hustong paghipos ug paglabay sa mga basura aron malikayan ang pagkatag niini ug mapadayon ang kalimpyo sa palengke.
Giawhag usab ang tanang mamaligyaay nga makigtambayayong sa lokal nga kagamhanan sa pagmintinar sa limpyo, hapsay ug luwas nga palibot sa merkado, nga dili lamang makahatag og maayong kahimtang sa mga negosyante kondili usab sa mga mamalitay nga adlaw-adlaw nga nag-adto sa Ipil Public Market.
