Nakahimo og kasaba sa social media ang aktres nga si Andrea Brillantes tungod sa iyang talagsaong Halloween costume sa Shake, Rattle & Ball 2026 nga gipahigayon ni Tim Yap, nga adunay temang “LUCID.”
Gipakita ni Andrea ang konsepto sa damgo nga mahuboan sa publiko, diin diyaryo nga adunay mga headline bahin kaniya ang gigamit isip tabon sa iyang lawas. Matud sa aktres, simbolo kini nga ang mga balita ug istorya bahin kaniya mao lamang ang kasagarang makita sa publiko, apan dili kini naghulagway sa tinuod niyang pagkatawo.
Gipatin-aw usab niya nga prosthetics lamang ang gigamit sa ilawom sa costume. Tungod sa maong konsepto, nakadaog siya sa “Best Undressed” award ug nakakuha og premyong bakasyon alang sa duha sa Maldives.
Photo courtesy: Instagram
