Nagsugod na ang midterm elections sa Estados Unidos. Pilion sa mga botante ang mga bag-ong miyembro sa House of Representatives ug Senado sa usa ka krusyal nga panahon nga giisip nga dakog epekto sa nahibiling duha ka tuig sa termino ni President Donald Trump.
Sa pagkakaron, gihuptan sa Republican Party ang kadaghanan sa duha ka kapulungan sa Kongreso, hinungdan nga dako ang pagtagad kon magpabilin ba kanila ang kontrol o makuha kini sa Democratic Party.
Giablihan ang tanang 435 ka puwesto sa House of Representatives diin adunay 18 ka distrito nga giila nga toss-up o hugot nga labanan. Nagsugod ang botohan sa nagkalain-laing estado sa East Coast lakip ang Maine ug Ohio, ingon man sa mga presinto sa Florida, Georgia, Illinois, Massachusetts, Michigan, ug Pennsylvania.
Sa wala pa ang adlaw sa eleksiyon, kapin na sa 58.6 milyones ka Amerikano ang nakapasa sa ilang mga balota pinaagi sa early voting ug mail-in ballots.
Photo courtesy: REUTERS
