Nadakpan sa mga otoridad ang usa ka lalaki atol sa gikasang search warrant operation didto mismo sa pinuy-anan niini sa Sitio Langawisan, Barangay Santa Fe, Caraga, Davao Oriental niadtong nakalabay nga adlaw.
Ang operasyon gihimo sa mga operatiba sa Caraga Municipal Police Station, kauban ang mga personahe sa 1st DOPMFC ug lain pang law enforcement units nga miresulta sa pagkasikop ni alyas Tagalog.
Ang pagdakop sa suspek subay sa Search Warrant Number 357-357-2026 ug narekober gikan kaniya ang usa ka .38 revolver nga walay serial number, diin ang pagkupot sa illegal nga armas dakong kalapasan ubos sa balaod sa RA 10591 kun Comprehensive Firearms and Ammunition Regulation Act.
Human nga gipahibalo ang dinakpan sa iyang katungod dayon kining gidala sa kustodiya sa kapulisan alang sa hustong dokumentasyon ug tukmang disposisyon.
Ctto: Caraga MPS
