Patay ang usa ka 56-anyos nga driver sa motorsiklo human mabangga sa usa ka multicab sa kurbadang bahin sa karsada sa Purok 7, Barangay Capitan Bayong, Impasug-ong, Bukidnon niadtong nakalabay nga adlaw.
Base sa imbestigasyon sa kapolisan, nagbiyahe ang multicab padulong sa Communal Ranch samtang nagagikan usab ang motorsiklo padulong sa Barangay Poblacion sa dihang nagbangga ang duha ka sakyanan.
Bisan pa man sa dali nga pagdala sa responding team sa Impasug-ong LDRRMO sa biktima ngadto sa Bethel Baptist Hospital, gideklarar dead on arrival ang driver sa motorsiklo sa attending physician.
Nakakostudiya na sa Impasug-ong Municipal Police Station ang duha ka naguba nga sakyanan alang sa dokumentasyon ug tukmang disposisyon.
Photo courtesy: Impasug-ong Municipal Police Station
