Gipahibalo ni Senate President Sherwin Gatchalian nga ibawas sa Senado ang mga infrastructure projects nga nagkantidad og P8.836 bilyon gikan sa gitun-an nga 2027 national budget.
Kini nga lakang gihimo tungod sa kakuwang sa mga gikinahanglang dokumento gikan sa Department of Public Works and Highways (DPWH). Sumala ni kanhi DPWH Secretary Vince Dizon, miabot sa 295 ka proyekto ang nakit-ang “non-compliant”, samtang labaw sa 62% o 7,107 sa kinatibuk-ang 11,395 ka mga proyekto ang nagbaton og mga “red flags” sama sa pagkawala sa station numbers, geographical coordinates, ug lump-sum allocations.
Gipatin-aw sa Senate President nga dili gayud tugotan sa Senado nga makadawat og pundo ang mga proyekto nga walay lig-ong teknikal nga suporta ug klarong dokumentasyon aron masiguro nga puro “shovel-ready” ang tanang aprubadong inisyatiba. Gipasabot niini nga importanteng maayo ang pagtipig ug pagbantay sa pundo sa publiko ilabina sa kasamtangang hinay nga pag-uswag sa ekonomiya sa nasod.
Ang maong striktong pagsusi gipaluyohan usab sa Senate majority bloc ug sa People’s Budget Coalition aron matangtang ang mga kaduda-dudang alokasyon ug masiguro ang kaangayan sa final nga pundo sa gobyerno
Photo courtesy: Sherwin Gatchalian
