Gikalipay sa mga Persons Deprived of Liberty kun PDL ang ilang kalampusan human makakompleto sa pagbansay sa Bread and Pastry Production nga nagtudlo kanila sa mga pamaagi sa paghimo og nagkalainlaing klase sa pan.
Ang maong seremonyas aktibong gisuportahan sa mga persosnahe sa Lupon District Jail, diin gipakita ang ilang kalipay ug garbo sa kalampusan nga nakab-ot sa mga PDL. Gipahigayon ang maong pagbansay pinaagi sa pakigtambayayong sa Technical Education and Skills Development Authority (TESDA) ug Davao Oriental Polytechnic Institute (DOPI).
Kini nga inisyatiba nagpakita sa padayong pasalig sa Lupon District Jail sa paghatag og mga programa nga makapalambo sa kahibalo ug kahanas sa mga PDL, isip kabahin sa ilang rehabilitasyon ug pagpangandam alang sa pagbalik sa katilingban.
Gilauman nga pinaagi sa maong pagbansay, magamit kini sa mga PDL aron makabaton og oportunidad sa pagpanginabuhi.
Photo courtesy: LDJ
